Hau da proposatutako ekimena: ikastetxe bakoitzeko gela edo maila bakoitzean, lehen hezkuntzako maila guztietan, familiek oinarrizko akordioak lortzea, adingabeak babestea errazagoa izan dadin. Oinarrizko akordio horiek 4 dira:

- Smartphonea emateko adina: Gomendioa 13 urtetik aurrera ematea da. Adinak asko eta oso azkar jaisten ari direnez, gutxienez lehen hezkuntzatik bigarren hezkuntzara igarotzen diren udan ematea gomendatzen da, edo Gabonetan, bigarren hezkuntzako lehen mailan daudenean. Edozein arrazoirengatik haurrek telefonoa eduki behar badute 20€ balio duen tekladun telefono bat izan dezakete, hauek ez dituzte ez aplikaziorik ez Internetik.

- Sare sozialak erabiltzeko adina: Gomendioa 13 urtetik aurrera erabiltzea da, sare sozialen erabilpen balditzek dioten bezala eta datuak babesteko legeak (LOPD) ezartzen duen bezala. Guztiek erabili dezaketen familia-kontu bat sortu daiteke, ezarritako ordutegian erabiltzen dena eta, betiere, familiaren gida aktibo batekin ikusten eta esperimentatzen diren gauzak ulertzen laguntzeko. Segurtasun eta pribatutasun ezarpenak aktibatuta izatea komeni da. Ez da gomendatzen 13 urtetik beherakoek sare sozialetan gauzak igotzea.

- Online jokoetan jolasteko adinak: Jokoetan jolasteko adinak ezartzerakoan, arriskuak zeintzuk diren ondo ulertzea lagungarria da. Adibidez, arrisku handienetako bat ezezagunak dira; beraz, gomendatutako adinetik hurbil badaude, pertsona ezagunekin bakarrik jolasten edo makinaren aurka jolasten arriskuak gutxitu egiten dira. Jolas gehienek guraso kontrolak dituzte.

- Telesailak eta pelikulak ikusteko adina: Gomendatutako adinak jarraitzea lagungarria izan daiteke eduki desegokien eraginpean ez egoteko. Duela gutxiko adibide bat: adingabe askok ikusi dute oso arrakastatsua izan den "Txipiroiaren jokoa" (El juego del calamar) seriea, eta adin txikikoek galtzaileak hil beharrean jipoitzen zituzten.

Familia askok irizpideak jarraituz gero, asko errazten du mugak jartzeko lana, haur gehienek antzeko mugak izango lituzketelako. Gehienek gomendioak ez badituzte jarraitzen, askoz ere zailagoa da besteentzako, eta emaitza haur guztiak arriskuan daudela da.

Sare sozial, app, jolas edo serie bat adingabe batek ikusi edo erabil dezakeen zalantzarik badugu, seriearen sinopsian edo jolas edo app-en informazioan gomendatutako adinak etortzen dira beti. Kontsulta mota hori egiteko orri bat honako hau da: www.commonsensemedia.org. Ingelesez ikusi arren, gaztelaniazko terminoak bila ditzakezue eta emaitza edozein hizkuntzatan uler daiteke, gomendatutako adina zenbakitan erakusten baita.

Informazio gehiago gure webguneko familien atalean aurki dezakezue: www.macsonrisas.es/familiak